ԽԱՂՈՒՄ ԵՆՔ EQ

Էմոցիոնալ ինտելեկտը ժամանակի ամենաակտիվ ուսումնասիրվող հասկացություններից է։  Սեփական էմոցիաների կառավարումը և դիմացինի էմոցիաները ճիշտ հասկանալը հաղթող խաղաթուղթ է թե՛ անձնական կյանքում, թե՛ աշխատանքում։ Ժամանակակից մի շարք ընկերություններ արդեն անցկացնում են հատուկ թեստեր գնահատելու համար աշխատակիցների ЕQ-ն (էմոցիոնալ ինտելեկտը)։ Միայն բարձր IQ-ն և հմուտ մասնագետ լինելն այլևս չի փրկում։

Հարց։  Ի՞նչ է հարկավոր անել։

Պատասխան։  Զարգացնել EQ-ն։

Էմոցիաները հասկանալը կամ արտահայտելը որոշ մարդկանց մոտ տաղանդ է, որոշների մոտ լուրջ խնդիր, սակայն լավ լուրն այն է, որ էմոցիոնալ ինտելեկտը  միանշանակ հնարավոր է մարզել։

Հենց այդ նպատակին է ծառայում EQ սեղանի խաղը։

Խաղում տեղ են գտել 110 էմոցիաներ որոնք մեծապես ընդլայնում են հուզական բառապաշարը, ինչը  շատ կարևոր է, քանի որ ինքներս մեր մեջ ինչ-որ բան փոխելու համար պետք է այն զգանք և դրան անվանում տանք:

Խաղը հնարավորություն է տալիս  

• Զարգացնել ազատորեն ցանկացած էմոցիա ցուցադրելու կարողությունը
• Հասկանալ ի՞նչ այլ էմոցիայի հետ դիմացինը կարող է շփոթել Ձեր էմոցիան
• Մարզել համապատասխան էմոցիան ճիշտ ձևով ներկայացնելու հմտությունը
• Ձեռք բերել ուշադրության կենտրոնում լինելու փորձ
• Սովորել կռահել դիմացինի էմոցիան՝ վերլուծելով նրա բոլոր գործողությունները
• Սովորել կենտրոնանալ խոսողի ոչ վերբալ ազդանշանների վրա
• Ազդել ուրիշների որոշումների կայացման գործընթացի վրա
•  Խաղը օգտակար է խաղալ ինչպես ընկերներով և գործընկերներով՝ թիմակիցների միջև փոխհարաբերությունները բարելավելու նպատակով, այնպես էլ անծանոթ մարդկանց հետ՝ արդյունավետ ծանոթություններ և կապեր հաստատելու հմտությունը զարգացնելու համար։
• Դե հաճելի ժամանցն ու զվարճանքն էլ իր հերթին։

Խաղի պայմաններ

Խաղի մասնակիցների առավելագույն քանակը՝ 7

Խաղի միջին տևողությունը ՝ 2-2․5 ժամ

Խաղի լեզուն՝ ռուսերեն