Կզբաղվենք Ձեր երեխայի հետ օնլայն

Skillrocks-ը շարունակում է  #Of̶f̶nlineisanewluxury խորագրի ներքո իր օնլայն միջոցառումների շարքը։ Այս անգամ հերթը փոքրիկներինն է։

Ստեղծված իրավիճակում տանից աշխատող ծնողների համար ամենաբարդը՝ աշխատանքը երեխաների հետ համատեղելն է։ Այս օնլայն հանդիպումը որոշակի ժամանակով կլուծի այդ խնդիրը և կթեթևացնի աշխատող ծնողների բեռը։

Երեխային տրամադրելով ընդամենը հարմար տարածք ու համակարգիչ կամ պլանշետ, դուք կարող եք մեկ ժամով «մոռանալ» նրա մասին։

Օնլայն հանդիպմանը կարող են մասնակցել 5-10 տարեկան բոլոր երեխաները։ Ծրագիրը հարմարեցված է յուրաքանչյուր տարիքի և սեռի երեխայի համար։ Հանդիպումները՝ անհատական են և կարող են անցկացվել Ձեր նախընրած օրն ու ժամին։

Ծրագիրը ներառում է տարատեսակ զարգացնող խաղեր երեխայի երևակայությունը, ապբստրակտ մտածողությունը, հիշողությունն ու ուշադրությունը մարզելու համար։ Խաղերն ամբողջովին ադապտացված են օնլայն ֆորմատով իրականացնելու համար և կապահովեն երեխայի հաճելի ու օգտակար ժամանցը։