Яндекс.Метрика

Monte Melkonian Military Lyceum

Հայաստանի անկախացման առաջին տարիներն ուղեկցվեցին Արցախյան ազատամարտով: Որքան էլ շոշափելի էին պատերազմի ժամանակ ունեցած ռազմական հաջողությունները, այնուամենայնիվ, հստակ էր, որ այդուհետև Հայաստանի և Արցախի անկախությունն ու սահմանները պետք է պաշտպանվեին սեփական ուժերով, որի համար առաջին հերթին պետք էր կանոնավոր բանակ ունենալ: Ազգային բանակ ունենալն անխուսափելի անհրաժեշտություն էր, սակայն այն կայացնելու համար անհրաժեշտ էր հմուտ, փորձառու և մասնագիտացված զինվորականների կայուն հերթափոխ:

Հենց այս անհրաժեշտությամբ էր պայմանավորված այն հանգամանքը, որ Արցախյան ազատամարտի վճռորոշ փուլում ՀՀ կառավարության 1993թ. նոյեմբերի 15-ի № 569 որոշման համաձայն Լուսավորության նախարարության ռազմամարզական գիշերօթիկ վարժարանի հիման վրա ստեղծվում է ռազմամարզական վարժարան-ուսումնարան համալիր, որին 1994թ. մարտի 14-ի տրվում է ուսումնական զորամասի կարգավիճակ:

         1994թ. հուլիսի 28-ին ուսումնական զորամասն անվանակոչվում է Հայաստանի ազգային հերոս, Արցախի հերոս Մոնթե Մելքոնյանի անունով:

Իր գոյության ընթացքում վարժարանն ունեցել է 1300 շրջանավարտ: Վարժարանում կրթվել և դաստիարակվել են բանիմաց, հմուտ ու արհեստավարժ զինվորականներ, որոնք պատվով ծառայել ու ծառայում են Հայաստանի Հանրապետության զինված ուժերում: Վարժարանի սաները մասնակցել են նաև բազմաթիվ միջազգային ստուգատեսների և միշտ մրցանակներով վերադարձել հայրենիք՝ բարձր պահելով մոնթեականի պատվաբեր կոչումը:

         2017թ.-ին ՀՀ պաշտպանության նախարար Վիգեն Սարգսյանի նախաձեռնությամբ և ՀՀ նախագահ Սերժ Սարգսյանի կարգադրությամբ վարժարանը տեղափոխվեց Դիլիջանի նորակառույց, միջազգային կրթական չափորոշիչներին համապատասխան համալիր:  

ՀՀ կառավարության 2017 թվականի օգոստոսի 10-ի 983-Ն որոշմամբ՝ փոխվեց վարժարանի կազմակերպաիրավական ձևը և այն վերանվանվեց «Մոնթե Մելքոնյանի անվան ռազմամարզական վարժարան» հիմնադրամի: 2017թ. օգոստոսից՝ հիմնադրամի գործադիր տնօրեն է նշանակվել Գեղամ Սարգսյանը:

         «Մոնթե Մելքոնյանի անվան ռազմամարզական վարժարան» հիմնադրամի հոգաբարձուների առաջին նիստը տեղի է ունեցել 2017թ. օգոստոսի 30-ին: Խորհրդի նախագահ է ընտրվել ՀՀ պաշտպանության նախարար Վիգեն Սարգսյանը:

         Սեպտեմբերի 1-ին, Գիտելիքի օրվա կապակցությամբ, Դիլիջանում տեղի է ունեցել Մոնթե Մելքոնյանի անվան ռազմամարզական վարժարանի նոր համալիրի բացման հանդիսավոր արարողությունը: Բարձրացվել են Հայաստանի Հանրապետության պետական և Մոնթե Մելքոնյանի անվան ռազմամարզական վարժարանի դրոշները: Հոգաբարձուների խորհրդի նախագահը հայտարարել է վարժարանի կարգախոսը. «Ճանապարհ դեպի բարձունք», վարժարանի օր է սահմանվել Մոնթե Մելքոնյանի ծննդյան օրը՝ նոյեմբերի 25-ը:

Նոյեմբերի 21-ին տեղի է ունեցել վարժարանի պաշտոնական բացման արարողությունը, որին ներկա է եղել ՀՀ նախագահ Սերժ Սարգսյանը: Նույն օրը վարժարանի տարածքում բացվել է նաև Մոնթե Մելքոնյանի հուշարձանը (քանդակագործ՝ Լևոն Թոքմանջյան):

+374 55 515700 emma@monte.am 28/09/2017

More from Monte Melkonian Military Lyceum


Ended events

To create a new event,please log in or register.

The price of an event can be found in the event page. This section is available only to the event organizers.